Qëllimi i Legalizo Ndertimin
Me hyrjen në fuqi të Ligjit Nr.04/L-188 për trajtimin e ndërtimeve pa leje është krijuar mundësia për trajtimin e ndërtimeve pa leje ne territorin e Republikës se Kosovës. Ky ligj përcakton një procedurë unike për trajtimin e ndërtimeve pa leje në tërë territorin e Republikës se Kosovës.
Ligji ka hyrë në fuqi me 5 Shkurt 2014 dhe është ne fuqi për tri (3) vite.
Ky Ligj legalizon vetëm ndërtimet. NUK përcakton pronësinë ndaj ndërtimit ose pronësinë ndaj parcelës ku është ndërtuar.
Ky Ligj zbatohet vetëm për ndërtimet e përfunduara, substancialisht te përfunduara ose te pa përfunduara por që kanë filluar ndërtimin para datës 30 gusht 2013.
Ky Ligj i trajton ndryshe ndërtimet e përfunduara dhe ndërtimet e papërfunduara, por rezultati përfundimtarë është se ndërtimet do te jene legale përmes lejes se Legalizimit ose Lejes se Përdorimit.
Nëse ndërtesat e mbuluara me këtë ligj nuk legalizohen, ato do të rrënohen.
